Fréttir

Guðni Th. Jóhannesson kynnir nýja bók sína, Vald hinna veiku. Saga landhelgismálsins, 1971-1974. Kynningin verður haldin á Héraðsskjalasafni Skagfirðina þann 29. október, kl. 17:00. Allir velkomnir á meðan húsrúm leyfir.

Vegna haustfundar Félags eldri borgara í Skagafirði mun ljósmyndagreining fara fram kl. 15:00 á Héraðsskjalasafni Skagfirðinga, fimmtudaginn 15. október. Myndirnar má sjá hér á heimasíðunni. Ljósmyndirnar koma aðallega frá Stefáni Pedersen, Kristjáni C. Magnússyni og Guðna Sigurði Óskarssyni.

Þá hefjum við ljósmyndagreiningu aftur eftir sumarfrí. Við hittumst kl. 14:00 á Héraðsskjalasafni Skagfirðinga, fimmtudaginn 17. september. Myndirnar má sjá hér á heimasíðunni. Ljósmyndirnar koma aðallega frá Stefáni Pedersen og úr safni Erlendar Hansen.

Um þessar mundir er verið að vinna húsa- og fornleifaskráningu fyrir Hofsós. Í ljós hefur komið að safnið á fáar gamlar ljósmyndir af Brekkunni og Bakkanum. Við biðlum því til fólks að láta okkur vita af slíkum myndum, sérstaklega þar sem hús og umhverfi eru greinanleg, en það myndi hjálpa okkur mikið í þessari rannsóknarvinnu.

Í dag fengum við góða heimsókn þegar Arnaldur Indriðason kom með gögn úr fórum föður síns, Indriða G. Þorsteinssonar. Skjöl þessi eru viðbót við myndarlegt skjalasafn Indriða sem varðveitt er á Héraðsskjalasafni Skagfirðinga en skrá yfir gögnin er að finna á skráningarsíðu safnsins. Að auki afhenti Arnaldur tvær ritvélar sem Indriði notaði við ritstörf sín en þær verða afhentar Byggðasafni Skagfirðinga.

Þann 11.08.2026 neyðumst við til að skerða opnunartíma Héraðsskjalasafns Skagfirðinga. Þann dag verður opið frá 9:00 til 11:30. Héraðsskjalasafnið biðst velvirðingar á þeim óþægindum sem þetta kann að valda og bendum þeim sem þurfa að leita til safnsins að senda tölvupóst á skjalasafn@skagafjordur.is.

Héraðsskjalasafn Skagfirðinga verður lokað vikuna 22.-26. júní vegna sumarleyfa starfsmanna. Frá 1. júlí verður opnunartíma skjalasafnsins frá kl. 9-12 og 13-15, alla virka daga.

Á morgun kveðjum við starfsfélaga okkar, Svein Rúnar Sigfússon. Héraðsskjalasafnið verður því lokar kl 12:00. Sendum fjölskyldu hans okkar innilegustu samúðarkveðjur.

Ljósmyndagreining verður haldin 21. maí næstkomandi kl. 14:00 í Safnahúsinu.

Þá er komið að næstu ljósmyndagreiningu. Við hittumst kl. 14:00 á Héraðsskjalasafni Skagfirðinga, 16. apríl næstkomandi.