Fréttir

Sveitarfélagið Skagafjörður auglýsir laust til umsóknar starf héraðsskjalavarðar á Héraðsskjalasafni Skagfirðinga. Héraðsskjalavörður er forstöðumaður Héraðsskjalasafns Skagfirðinga. Hann leiðir starfsemi safnsins og sér um fjárhagslegan rekstur þess.

Á alþingi voru nýverið samþykkt ný lög um opinber skjalasöfn á Íslandi. Frumvarpið felur í sér nokkrar breytingar á starfsemi safnanna, sem munu verða skýrari þegar reglugerðir hafa verið samdar í tengslum við nýju lögin. Hægt er að sjá lagatextann með því að smella hér. http://www.althingi.is/altext/143/s/pdf/1260.pdf

Ljósmyndir úr eigu Kristjáns C. Magnússonar hafa verið til sýnis í Safnahúsinu í allt sumar og hafa um 2000 manns ritað nafn sitt í gestabók. Viljum við þakka gestum komuna og allar þær upplýsingar sem við höfum fengið um þær myndir sem hafa verið til sýnis.

Að undanförnu hefur verið unnið að því að setja inn ljósmyndir á vef safnsins. Nú hafa bættst við 500 ljósmyndir, sem safninu bárust frá fyrrum ritstjóra Fréttablaðsins Feykis og eru myndir frá blaðinu nú tæplega 1100. Hægt er að sjá myndirnar á vefnumwww.skagafjordur.is/myndir, velja Héraðsskjalasafn og fara að leita. Með því að setja Feykir í leitarreit er hægt að kalla fram allar myndir úr því safni.