Fréttir

Auglýst er eftir skjalaverði í 75% starfshlutfall hjá Héraðsskjalasafni Skagfirðinga. Í starfinu felst m.a. almenn skráningarstörf innan safnsins, svara fyrirspurnum, afla sér þekkingar á safnkosti ásamt því að sinna forvörslu á safnkosti og aðstoða héraðsskjalavörð við ráðgjafastörf. Umsóknarfrestur er til og með 16. janúar.

Sveitarstjórn Sveitarfélagsins Skagafjarðar samþykkti á fundi sínum þann 17. október síðastliðinn að leggja fram tillögu til mennta- og menningarmálaráðherra um verndarsvæði í byggð innan þéttbýlis á Sauðárkróki. Svæðið sem um ræðir er norðurhluti gamla bæjarins sem er elsti hluti byggðarinnar og afmarkast að norðan af nyrsta íbúðarhúsi Sauðárkróks, að austan af Strandvegi, að sunnan af Kirkjutorgi og Kirkjuklauf (Hlíðarstíg) og að vestan af Nöfum.

Vikuna 24. til 28. september eru skjalaverðir frá Héraðsskjalasafni Skagfirðinga í fræðsluferð í Skotlandi. Þjónusta við gesti er því skert. Öllum tölvupósti er svarað en ef gestir þurfa að komast í skjöl safnsins biðjum við þá að hafa biðlund og koma aftur í næstu viku.

Mánudaginn 30. október kl. 12 ætlar dr. Vilhelm Vilhelmsson að heimsækja okkur í Safnahúsið og kynna nýju bókina sína sem nefnist Sjálfstætt fólk: Vistarband og íslenskt samfélag á 19. öld. Allir velkomnir.

Nú er hægt að nálgast ársskýrslu Héraðsskjalasafns Skagfirðinga fyrir árið 2016. Í skýrslunni er farið yfir starfssemina og sérverkefni.

Sögufélag Skagfirðinga og Héraðsskjalasafn Skagfirðinga eiga stórafmæli í ár og ætla að því tilefni að halda málþing í Miðgarði 7. maí næstkomandi.

Ársskýrsla Héraðsskjalasafns Skagfirðinga er komin út þar sem farið er yfir starfssemina og sérverkefni.

Í tilefni af alþjóðlega safnadeginum í dag ætlum við að beina augum okkar að þema ársins sem er menningarlandslag.

Viljum benda á að endurskoðaðar reglur Þjóðskjalasafns Íslands um málalykla, skjalavistunaráætlanir og frágang pappírsskjala hafa verið auglýstar í B-deild Stjórnartíðinda. Reglurnar tóku gildi 1. júlí 2015. Með gildistöku þessara reglna falla úr gildi eldri reglur frá 2010.

Safnahús Skagfirðinga verður opnað næstkomandi föstudag 30. október, eftir miklar framkvæmdir, og verður nýja lyftan þá tekin formlega í notkun. Húsið verður til sýnis milli kl 16 og 18 og eru allir velkomnir að koma og skoða endurbæturnar.