Aðalgata 1

Saga: Gamla sjúkrahúsið við Aðalgötu 1 er timburhús sem var reist árið 1906 en Jón Þorláksson landsverkfræðingur var fenginn til að teikna sjúkrahúsið. Starfsemi sjúkrahússins færðist í nýja byggingu upp á Sauðárhæðum 1961. Gamla sjúkrahúsið fékk þá nýtt hlutverk. Sauðárkróksbær keypti hlut sýslunnar og hafði húsið til ýmissa afnota um sinn þar til sóknarnefnd Sauðárkrókskirkju keypti húsið og setti þar á stofn safnaðarheimili. Húsið gegnir enn því hlutverki.

Varðveislugildi:

• Listrænt gildi/byggingarlist - Hátt - Stokkbyggt sveitserhús. Húsið hefur haldið stíleinkennum sínum að nokkru þrátt fyrir viðbyggingar og breytingar á klæðningu og gluggagerð.
• Menningarsögulegt gildi - Hátt - Fyrsta sjúkrahúsið á Sauðárkróki, síðar safnaðarheimili. Eitt eldri húsum bæjarins og eitt af merkjum uppgangstímabils Sauðárkróks.
• Umhverfisgildi - Hátt - Mikilvægur hluti götumyndar við Aðalgötu. Markar upphaf Aðalgötu í suður ásamt Gamla barnaskólanum og kirkjunni.
• Tæknilegt ástand - Miðlungs - Húsið er í þokkalegu ástandi en þarfnast viðhalds.
• Varðveislugildi - Hátt - Friðað vegna aldurs og hefur varðveislugildi vegna byggingarlistar, menningarsögu og umhverfis.

Heimild: Húsakönnun Sauðárkróks: Norðurhluti gamla bæjar. Héraðsskjalasafn Skagfirðinga. 2018.

Bein tenging: Umfjöllun í skýrslu

Margmiðlunarefni: Aðalgata 1 - Gamla sjúkrahúsið