Fara í efni

Kirkjutorg - Gamla pósthúsið

Byggingarár: 1952

Heiti: Gamla pósthúsið

Hönnuður: Húsasmíðameistari ríkisins?

Fyrsti eigandi: Póst- og símamálastjórn

Gamla pósthúsið. SFA 2018.

Saga: Gamla pósthúsið við Kirkjutorg er steinsteypt tveggja hæða hús byggt árið 1952. Að öllum líkendum hannaði húsasmíðameistari ríkisins húsið. Póstur og sími hafði starfsstöð sína í húsinu til fjölda ára og var á því tímabili byggð einnar hæðar viðbygging til suðurs. Húsið hefur ekki tekið miklum breytingum að öðru leiti. 

 

Pósthúsið um 1955-1960. Ljósmyndari Kristján C. Magnússon. Úr safni HSk, KCM 334.

Varðveislugildi - metið 2018:

      • Listrænt gildi/byggingarlist - Miðlungs - Stórt og reisulegt steinsteypuhús í anda síns tíma.
      • Menningarsögulegt gildi - Miðlungs - Húsið var reist sem pósthús og þjónaði þeim tilgangi til fjölda ára en á efri hæð þess var íbúð.
      • Umhverfisgildi - Hátt - Húsið fellur vel að götumynd og umhverfi Kirkjutorgs.
      • Upprunalegt gildi - Hátt - Húsinu hefur lítillega verið breytt en haldið formi sínu. Gluggagerð breytt að hluta og viðbygging í suður.
      • Tæknilegt ástand - Hátt - Húsið er í góðu ástandi.
      • Varðveislugildi - Miðlungs - Húsið er mikilvægur hluti rýmismyndunar við Kirkjutorg.

Heimild: Húsakönnun Sauðárkróks: Norðurhluti gamla bæjar. Héraðsskjalasafn Skagfirðinga. 2018.

Bein tenging: Umfjöllun í skýrslu