Fara í efni

Kambastígur 1

Byggingarár: 1927

Heiti: Hyrna

Hönnuður:

Fyrsti eigandi: Sigurður Pétursson

Kambastígur 1. SFA 2018.

Saga: Hyrna við Kambastíg 1 er timburhús byggt árið 1927 af Sigurði Péturssyni. Húsið hefur tekið töluverðum breytingum frá upphaflegri gerð en bæði hefur það verið lengt til norðurs og breikkað til vesturs. Þá hefur inngönguskúr á norðurgafli verið fjarlægður, húsið verið forskalað og gluggagerð tekið breytingum og þeim fjölgað. Útidyrahurð er nú á austurhlið hússins og steyptar tröppur og stigapallur þar framan við. Óvíst er hvenær þessar breytingar hafa átt sér stað. 

Kambastígur um 1930-1940. Ljósmyndari Kristján C. Magnússon. Úr safni HSk, KCM 2129.

Varðveislugildi - metið 2018:

      • Listrænt gildi/byggingarlist - Lágt - Látlaust og einfalt timburhús frá 20. öld en breytingar hafa rýrt gildi þess.
      • Menningarsögulegt gildi - Miðlungs - Dæmi um hús alþýðufólks frá fyrri hluta 20. aldar.
      • Umhverfisgildi - Miðlungs - Hluti sérstæðrar götumyndar í Kristjánsklauf.
      • Upprunalegt gildi - Lágt - Húsið hefur breyst töluvert. Forskalað.
      • Tæknilegt ástand - Miðlungs - Húsið er í þokkalegu ástandi.
      • Varðveislugildi - Miðlungs - Húsið hefur varðveislugildi vegna menningarsögu og er hluti sérstakrar götumyndar Kristjánsklaufar. 

Heimild: Húsakönnun Sauðárkróks: Norðurhluti gamla bæjar. Héraðsskjalasafn Skagfirðinga. 2018.

Bein tenging: Umfjöllun í skýrslu