Fara í efni

Aðalgata 24a

Byggingarár: 1912

Heiti: Trésmiðjan Ýr

Hönnuður:

Fyrsti eigandi: Sigurgeir Daníelsson

Aðalgata 24a. SFA 2018.

Saga: Sigurgeir Daníelsson verslunarmaður lét byggja steinsteypt sláturhús árið 1912. Fyrst var húsið ein hæð, portbyggt með háu risi og vísaði norður-suður, en árið 1927 var byggð önnur áföst bygging í vinkil sem vísaði í austur-vestur og var á tveimur hæðum með lágu risi. Síðan þá hefur húsinu lítið verið breytt. Í dag er þar starfrækt Trésmiðjan Ýr. 

Sláturhúsið í kringum 1920. Mynd úr safni HSk.

 Varðveislugildi:

      • Listrænt gildi/byggingarlist - Miðlungs - Einfalt steinsteypuhús frá upphafi 20. aldar. Með elstu steinsteyptu húsum á Sauðárkróki.
      • Menningarsögulegt gildi - Miðlungs - Húsið var byggt sem sláturhús en síðar nýtt sem trésmíðaverkstæði. Með elstu steinsteyptu húsum á Sauðárkróki.
      • Umhverfisgildi - Lágt - Húsið tilheyrir þeim iðnaðar- og geymsluhúsum sem standa næst Strandveginum og sker sig ekki úr þeim klasa. Þrátt fyrir stærð þá er húsið lítt áberandi frá Aðalgötu en þeim mun meira áberandi frá. 
      • Upprunalegt gildi - Miðlungs - Húsið hefur haldið formi sínu frá því vesturálman var byggð.
      • Tæknilegt ástand - Miðlungs - Húsið er í þokkalegu ástandi.
      • Varðveislugildi - Miðlungs - Friðað vegna aldurs og menningarsögulegs gildis.

Heimild: Húsakönnun Sauðárkróks: Norðurhluti gamla bæjar. Héraðsskjalasafn Skagfirðinga. 2018.

Bein tenging: Umfjöllun í skýrslu