Fréttir

Í ár eru 200 ár liðin frá fæðingu Sölva Helgasonar en hann fæddist á Fjalli í Sléttuhlíð í Skagafirði 16. ágúst 1820. Í tilefni þess ætlar Héraðsskjalasafn Skagfirðinga að minnast hans með ýmsu móti næsta daga. Við munum bjóða upp á hlaðvarpsþætti um flökkumenn þar sem Sölvi kemur sannarlega við sögu. Þá munum við kynna fyrir ykkur nýsköpunarverkefni sem unnið var í sumar og fjallaði um handrit Sölva ásamt því að opna fyrir ykkur aðgang að skjölunum sjálfum.

Héraðsskjalasafn Skagfirðinga verður lokað vegna vinnufundar dagana 27. október og 28. október.

Á árunum 1977 til 1994 gáfu söfnin í Skagafirði út blaðið Safnamál. Í því er að finna yfirlit yfir starfsemi safnanna ásamt ýmsum fróðleik um skjöl og gripi sem þau varðveita. Nú hefur Héraðsskjalasafn Skagfirðinga skannað inn blöðin og gert þau leitarbær.

Nú er hægt að hlýða á þau ávörp sem flutt voru í hófi Sögufélags Skagfirðinga vegna útgáfu Skagfirðingabókar 2020 á heimasíðu héraðsskjalasafnsins. Til máls tóku Hjalti Pálsson, Sölvi Sveinsson, Birgir Guðjónsson og Sólborg Una Pálsdóttir.

Ávarp Hjalta Pálsson í hófi Sögufélags Skagfirðinga í tilefni af útgáfu Skagfirðingabókar 2020. Útgáfuhófið var haldið 03.10.2020.

test

Héraðsskjalasafn Skagfirðinga hefur lokið við að skrá einkaskjalasafn Guðjóns Ingimundarsonar íþróttakennara á Sauðárkróki. Í skjalasafni Guðjóns má finna mikið magn ljósmynda og skjala sem tengjast þátttöku hans í félagsmálum í Skagafirði. Í tilefni af útgáfu Skagfirðingarbókar 2020 er skjalaskráin og ljósmyndir hans gerðar aðgengilegar á skráningarsíðu safnsins.

Safnahúsinu verður lokað frá þriðjudeginum 24. mars til 14. apríl eða þar til yfirvöld aflétta lokuninni. Því verður ekki hægt að heimsækja Héraðsskjalasafn Skagfirðinga og skoða safnkostinn né koma með skjalaafhendingar. Starfsmennirnir munu þó enn standa vaktina og reyna svara öllum þeim fyrirspurnum sem til okkar berast. Hægt er að senda fyrirspurnir á tölvupóstfangið skjalasafn@skagafjordur.is eða hringja í síma 455 6075. https://www.stjornarradid.is/efst-a-baugi/frettir/stok-frett/2020/03/22/Hertar-takmarkanir-a-samkomum-morkin-sett-vid-20-manns/

Enn og aftur er vont veður að stríða okkur. Höfum skrifstofuna lokaða í dag en tökum við fyrirspurnum í gegnum tölvupóstfangið solborg@skagafjordur.is og í síma 862-4353.

Vonda veðrið er að stríða okkur þessa dagana. Héraðsskjalasafnið verður lokað í dag, 9. janúar 2020, en við reynum okkar besta til að svara erindum ykkar í gegnum tölvupóstfangið skjalasafn@skagafjordur.is.