Fréttir

Viljum vekja athygli á því að Héraðsskjalasafn Skagfirðinga opnar kl. 11 í stað kl. 9 alla þessa viku (3. febrúar til 7. febrúar) því starfsmenn eru á skyndihjálparnámskeiði.

Fyrsti ljósmyndagreiningarfundur á nýju ári verður haldinn í húsakynnum héraðsskjalasafnsins, fimmtudaginn 9. janúar kl. 14:00. Að þessu sinni skoðum við myndir sem taldar eru vera komnar frá Kára Jónssyni og Kristjáni C. Magnússyni en auðvitað skoðum við nokkrar frá Stefáni B. Pedersen. Hægt er að forskoða myndirnar hér á heimasíðunni. Sjáumst hress.

Jólahlaðvarpið að þessu sinni er spjall við Gunnar Rögnvaldsson staðarhaldara að Löngumýri. Við ræðum um minningar Gunnars af jólahaldi á æskuheimili hans, Hrauni á Skaga, en einnig upplifun hans af jólahaldi erlendis. Með hlaðvarpinu senda starfsmenn Héraðsskjalasafns Skagfirðinga ykkur hlýjar jólakveðjur.

Þá er komið að næstu ljósmyndagreiningu. Ætlunin er að halda greiningarfund í Héraðsskjalasafninu þann 12. desember kl. 14:00. Á fundinum ætlum við að rýna ljósmyndir úr safni Stefáns Pedersen. Hægt er að forskoða myndirnar hér á heimasíðunni. Vonandi sjáum við sem flesta!

Héraðsskjalasafnið ætlar að halda ljósmyndafund næstkomandi fimmtudag, 14. nóvember 2024, kl. 14. Fundurinn verður haldinn í húsakynnum héraðsskjalasafnsins í Safnahúsi við Faxatorg. Á fundinum ætlum við að rýna ljósmyndir úr safni Stefáns Pedersen og Árna Blöndals.

Stefán Guðmundsson fæddist 6. október 1907 í Krossanesi í Vallhólma. Stefán var stórstjarna í íslensku tónlistarlífi, hann átti glæsilegan söngferil bæði hérlendis og erlendis og þau voru ófá hlutverkin sem hann söng á sviði. ​Á Héraðsskjalasafni Skagfirðinga eru varðveitt ýmis gögn sem tengjast Stefáni, bæði úr hans fórum og annarra. Þá færu afkomendur Stefáns einnig Listasafni Skagfirðinga verk eftir Ásgrím Jónsson sem hafði áður verið í eigu Stefáns.

Héraðsskjalasafnið verður lokað 18. (frá hádegi), 19. og 20. september. Við starfsmenn safnsins ætlum að skella okkur á ráðstefnu héraðsskjalasafna, hitta kollega og fræðast um öll þau helstu mál er viðkoma skjalasöfnum á Íslandi. Við opnum aftur mánudaginn 23. september. Ef erindið er brýnt má senda okkur tölvupóst (solborg@skagafjordur.is) og við svörum eftir bestu getu.

17. júní 2024 eru 80 ár liðin frá því að Íslendingar héldu mikla lýðveldishátíð. Það er áhugavert að sjá hvernig Skagfirðingar fögnuðu þessum degi.

Við ætlum að halda ljósmyndagreiningarfund 28. maí kl. 14:00 í Safnahúsi við Faxatorg. Farið verður yfir ljósmyndir úr safni Stefáns B. Pedersen. Bjóðum eldri borgara sérstaklega velkomna.

Sýning á verkum Stefáns B. Pedersen stendur nú yfir í Safnahúsi á meðan á Sæluviku stendur.