Fréttir

Héraðsskjalasafn Skagfirðinga hefur lokið við að skrá einkaskjalasafn Guðjóns Ingimundarsonar íþróttakennara á Sauðárkróki. Í skjalasafni Guðjóns má finna mikið magn ljósmynda og skjala sem tengjast þátttöku hans í félagsmálum í Skagafirði. Í tilefni af útgáfu Skagfirðingarbókar 2020 er skjalaskráin og ljósmyndir hans gerðar aðgengilegar á skráningarsíðu safnsins.

Safnahúsinu verður lokað frá þriðjudeginum 24. mars til 14. apríl eða þar til yfirvöld aflétta lokuninni. Því verður ekki hægt að heimsækja Héraðsskjalasafn Skagfirðinga og skoða safnkostinn né koma með skjalaafhendingar. Starfsmennirnir munu þó enn standa vaktina og reyna svara öllum þeim fyrirspurnum sem til okkar berast. Hægt er að senda fyrirspurnir á tölvupóstfangið skjalasafn@skagafjordur.is eða hringja í síma 455 6075. https://www.stjornarradid.is/efst-a-baugi/frettir/stok-frett/2020/03/22/Hertar-takmarkanir-a-samkomum-morkin-sett-vid-20-manns/

Kristín Sigurrós Einarsdóttir hefur verið ráðin í starf sérfræðings við Héraðsskjalasafn Skagfirðinga.

Í dag 10. janúar eru 100 ár liðin frá fæðingu Kristmundar Bjarnasonar rithöfundar og fræðimanns á Sjávarborg en hann dvelur nú á dvalarheimilinu á Sauðárkróki. Kristmundur er heiðursfélagi Sögufélags Skagfirðinga og í tilefni þessara tímamóta gefur félagið úr bernskuminningar hans frá Mælifelli, þar sem hann ólst upp. Laugardaginn 12. janúar verður bókarkynning og útgáfuhóf í Safnahúsinu á Sauðárkróki kl 16 og bjóðum við alla velkomna.

Sveitarstjórn Sveitarfélagsins Skagafjarðar samþykkti á fundi sínum þann 17. október síðastliðinn að leggja fram tillögu til mennta- og menningarmálaráðherra um verndarsvæði í byggð innan þéttbýlis á Sauðárkróki. Svæðið sem um ræðir er norðurhluti gamla bæjarins sem er elsti hluti byggðarinnar og afmarkast að norðan af nyrsta íbúðarhúsi Sauðárkróks, að austan af Strandvegi, að sunnan af Kirkjutorgi og Kirkjuklauf (Hlíðarstíg) og að vestan af Nöfum.

Mánudaginn 30. október kl. 12 ætlar dr. Vilhelm Vilhelmsson að heimsækja okkur í Safnahúsið og kynna nýju bókina sína sem nefnist Sjálfstætt fólk: Vistarband og íslenskt samfélag á 19. öld. Allir velkomnir.

Nú er hægt að nálgast ársskýrslu Héraðsskjalasafns Skagfirðinga fyrir árið 2016. Í skýrslunni er farið yfir starfssemina og sérverkefni.

Sögufélag Skagfirðinga og Héraðsskjalasafn Skagfirðinga eiga stórafmæli í ár og ætla að því tilefni að halda málþing í Miðgarði 7. maí næstkomandi.

Ársskýrsla Héraðsskjalasafns Skagfirðinga er komin út þar sem farið er yfir starfssemina og sérverkefni.

Í tilefni af alþjóðlega safnadeginum í dag ætlum við að beina augum okkar að þema ársins sem er menningarlandslag.