Feykir í 40 ár
Í tilefni af 40 ára afmæli héraðsblaðsins Feykis árið 2021 tók Kristín Sigurrós Einarsdóttir nokkra Feykismenn og -konur tali. Rætt er við Árna Gunnarsson, Pál Friðriksson, Berglindi Þorsteinsdóttur, Jón Ormar Ormsson og Þórhall Ásmundsson.
Tveir á tali
Í þessum hlaðvarpsþætti eru Skagfirðingar teknir tali og rætt við þá um daginn og veginn - ekki síst horfna tíma. Í fyrsta þættinum spjallar Ólöf Andradóttir við Bjarna Haraldsson, verslunarmann á Sauðárkróki.
Jólahlaðvarp
Í jólahlaðvarpi Héraðsskjalasafns Skagfirðinga er fjallað um jólin frá ýmsum hliðum.
Hernámsárin
Í þessu hlaðvarpi er fjallað um hernámsárin á Sauðárkróki, 1940-1942. Kristín Sigurrós Einarsdóttir spjallar við Ágúst Guðmundsson en hann birti grein um sama efni í Skagfirðingabók árið 2018.
Viðtalið var tekið í tilefni af Norræna skjaladeginum 14. nóvember 2020.
Á flakki um fjörðinn
Hlaðvarpsþættir tileinkaðir flökkurum og förufólki. Fjallað er almennt um flakkara en einnig um einstaka flakkara sem koma mikið við sögu í 19. aldar frásögnum. Byrjum á því að fjalla um Sölva Helgason en síðar koma þættir um Myllu-Kobba og Jóhann sálarháska. Handritsgerð og hlaðvarpsstjórnun: Kristín Sigurrós Einarsdóttir. Viðmælendur: Jón Jónsson, Stefán Ágústsson og Hjalti Pálsson. Lesarar auk Kristínar: Kári Gunnarsson og Ragnheiður Halldórsdóttir.
Skagfirðingabók 2020
Sögufélag Skagfirðinga hélt hóf í tilefni af útgáfu Skagfirðingabókar 2020. Útgáfuhófið var haldið í Safnahúsinu 3. október 2020. Eftirtaldir aðilar ávörpuðu gesti:
Hjalti Pálsson - Skagfirðingabók 2020
Sölvi Sveinsson - Guðjón Ingimundarson
Birgir Guðjónsson - Guðjón og Bogga
Sólborg Una Pálsdóttir - Einkaskjalasafn Guðjóns Ingimundarsonar